Замын үүд дэх түр хамгаалах байр

ЗАМЫН ҮҮД ДЭХ ТҮР ХАМГААЛАХ БАЙР

Хилийн чанадаас эргүүлэн авч ирж байгаа болон дотоод дахь хүн худалдаалах гэмт хэргийн хохирогчдын аюулгүй байдлыг хангах, бие махбодь болон сэтгэлзүйн дарамт, нөлөөлөл, амь нас, эрүүл мэндийг түр хамгаалах, эргэн нийгэмшүүлэх үйлчилгээг үзүүлэхэд үр дүнтэй тогтвортой байдлыг бий болгох, нөхөн сэргээх үйлчилгээг цогц байдлаар үзүүлэх зорилготой.

ХАМГААЛАХ БАЙРНЫ ҮЙЛЧИЛГЭЭ

 

 

ҮЙЛЧЛҮҮЛЭГЧДЭД ХЭРЭГЦЭЭТЭЙ ҮЙЛЧИЛГЭЭГ ЦАГ АЛДАЛГҮЙ, ЦОГЦ БАЙДЛААР ҮЗҮҮЛЭХИЙН ТУЛД НИЙГМИЙН АЖИЛТАН, ХУУЛЬЧ, ЭРҮҮЛ МЭНДИЙН АЖИЛТАН, СЭТГЭЛ ЗҮЙЧ ГЭСЭН МЭРГЭЖЛИЙН БАГ ТОГТВОРТОЙ АЖИЛЛАЖ БАЙНА.

Үйлчлүүлэгчдэд үзүүлж буй анхан шатны туслалцаа дэмжлэг болох нийгэм-сэтгэл зүйн зөвлөгөө, хууль зүйн зөвлөгөө, эрүүл мэндийн үйлчилгээ, хоол хүнс болон ахуйн хэрэглээний туслалцаа зэргийг үзүүлснээр сэтгэлийн түгшүүр зовнил нь багасаж, тайвширч эхэлдэг бөгөөд нөхөн сэргээх, эргэн нийгэмшүүлэх үйлчилгээг цогцоор хүргэснээр тэднийг нийгэмд өөрийн байр сууриа олж цаашид бие даан амьдрах боломжийг бүрдүүлдгээрээ чухал ач холбогдолтой үйл ажиллагаа болдог юм. Эдгээр үйлчилгээнээс зарим нэгийг тодруулбал:

  • МЭРГЭЖИЛ ОЛГОХ СУРГАЛТ
  • ГЭР ОЛГОХ ҮЙЛЧИЛГЭЭ
  • ХАМГААЛАХ БАЙРАНД ЗОХИОН БАЙГУУЛАГДДАГ АМЬДРАХ УХААНЫ СУРГАЛТУУД

ЗАМЫН ҮҮДИЙН ХАМГААЛАХ БАЙР

ЗАМЫН ҮҮД ДЭХ ТҮР ХАМГААЛАХ БАЙР

Швейцарын хөгжлийн агентлаг, Хүний аюулгүй байдал судалгааны төвийн дэмжлэгтэйгээр 2009 оны 02 сараас эхлэн Замын үүд суманд Хилийн чанадаас хүн худалдаалах гэмт хэрэгт өртсөн хохирогч/үйлчлүүлэгчдийг аюулгүйгээр эх оронд  нь эргүүлэн авчрах үед түр хугацаагаар байрлуулахад чиглэсэн ТҮР ХАМГААЛАХ БАЙР-ыг байгуулсан. 

Нэг ээлждээ 4 хүртэлх хохирогчийг хүлээн авч байрлуулах хүчин чадалтай.

БАЙРЛАХ ХУГАЦАА

  • Хилийн чанадаас эгүүлэн авчирсан хохирогчийг 1-7 хоног хүртэл хүртэл байрлуулан Улаанбаатар хотын хамгаалах байр руу шилжүүлнэ.
  • Эрүүл мэндийн яаралтай тусламж,  хуулийн байгууллагаас мэдүүлэг авах, мэдээлэл тодруулах шаардлагатай тохиолдолд орон нутгийн эмнэлэг, хуулийн байгууллагуудтай нягт хамтран ажилладаг.  

ТҮР ХАМГААЛАХ БАЙРАНД БАЙРЛАХ ХУГАЦААНД ҮЗҮҮЛЖ БУЙ ҮЙЛЧИЛГЭЭ

  • Хохирогч үйлчлүүлэгчдийг 24 цагийн турш хүлээн авах боломжтой. 
  • Анхан шатны шууд туслалцаа дэмжлэгийг үзүүлэх /хоол хүнс, ахуйн хэрэглээ, хувцас,  эрүүл мэндийн үйлчилгээ /
  • Хуулийн байгууллагад хандсан хохирогч/үйлчлүүлэгчдийн асуудлыг шийдвэрлэтэл байрлуулах боломжтой.
  • Замын-Үүд ийн түр хамгаалах байрнаас Улаанбаатар хотын Хамгаалах байр луу шилжүүлэх үйл ажиллагаа хийгдэнэ. 
  • Энэхүү байранд байрлах хугацаанд сэтгэлзүйн болон хууль эрхзүйн туслалцаа дэмжлэгийг үзүүлнэ.