Улаанбаатар хотын хамгаалах байр

УЛААНБААТАР ХОТЫН ХАМГААЛАХ БАЙР

Хилийн чанадаас эргүүлэн авч ирж байгаа болон дотоод дахь хүн худалдаалах гэмт хэргийн хохирогчдын аюулгүй байдлыг хангах, бие махбодь болон сэтгэлзүйн дарамт, нөлөөлөл, амь нас, эрүүл мэндийг түр хамгаалах, эргэн нийгэмшүүлэх үйлчилгээг үзүүлэхэд үр дүнтэй тогтвортой байдлыг бий болгох, нөхөн сэргээх үйлчилгээг цогц байдлаар үзүүлэх зорилготой.

ХАМГААЛАХ БАЙРНЫ ҮЙЛЧИЛГЭЭ

 

 

ҮЙЛЧЛҮҮЛЭГЧДЭД ХЭРЭГЦЭЭТЭЙ ҮЙЛЧИЛГЭЭГ ЦАГ АЛДАЛГҮЙ, ЦОГЦ БАЙДЛААР ҮЗҮҮЛЭХИЙН ТУЛД НИЙГМИЙН АЖИЛТАН, ХУУЛЬЧ, ЭРҮҮЛ МЭНДИЙН АЖИЛТАН, СЭТГЭЛ ЗҮЙЧ ГЭСЭН МЭРГЭЖЛИЙН БАГ ТОГТВОРТОЙ АЖИЛЛАЖ БАЙНА.

Үйлчлүүлэгчдэд үзүүлж буй анхан шатны туслалцаа дэмжлэг болох нийгэм-сэтгэл зүйн зөвлөгөө, хууль зүйн зөвлөгөө, эрүүл мэндийн үйлчилгээ, хоол хүнс болон ахуйн хэрэглээний туслалцаа зэргийг үзүүлснээр сэтгэлийн түгшүүр зовнил нь багасаж, тайвширч эхэлдэг бөгөөд нөхөн сэргээх, эргэн нийгэмшүүлэх үйлчилгээг цогцоор хүргэснээр тэднийг нийгэмд өөрийн байр сууриа олж цаашид бие даан амьдрах боломжийг бүрдүүлдгээрээ чухал ач холбогдолтой үйл ажиллагаа болдог юм. Эдгээр үйлчилгээнээс зарим нэгийг тодруулбал:

  • МЭРГЭЖИЛ ОЛГОХ СУРГАЛТ
  • ГЭР ОЛГОХ ҮЙЛЧИЛГЭЭ
  • ХАМГААЛАХ БАЙРАНД ЗОХИОН БАЙГУУЛАГДДАГ АМЬДРАХ УХААНЫ СУРГАЛТУУД

УЛААНБААТАР ХОТЫН ХАМГААЛАХ БАЙР

УЛААНБААТАР ХОТЫН ХАМГААЛАХ БАЙР

Хүйсийн Тэгш Эрхийн Төв нь хүн худалдаалах гэмт хэргийн хохирогч нарт зориулсан хамгаалах байрыг Олон улсын шилжин суурьшилтын байгууллага /ОУШСБ/-ын тусламжтайгаар 2007 оны 11 сараас эхлэн түрээсийн байранд нээн ажиллуулж эхэлсэн бөгөөд 2008 оны 9 сар, Дорноговь аймгийн Замын-Үүд суманд 2009 оны 02 сараас эхлэн Швейцарын хөгжлийн агентлаг /ШХА/, Хүний аюулгүй байдлын судалгааны төв /ХАБСТ/-ийн дэмжлэгтэйгээр Улаанбаатар хотод стандартад нийцсэн хамгаалах байрыг байгуулсан.

Нэг ээлждээ 6 хүн хүлээн авах хүчин чадалтай.  Хамгаалах байр нь дотоод камерын системтэй.

БАЙРЛАХ ХУГАЦАА

  • Үйлчлүүлэгчдийн байрлах хугацаа нь тухайн хүний асуудал, онцлог, эрсдэлээс шалтгаалан харилцан адилгүй байдаг ба дээд тал нь 3 сарын хугацаатай байрлах боломжтой. Дунджаар 1 үйлчлүүлэгч 24 ор хоног байрлаж байна.

ТҮР ХАМГААЛАХ БАЙРАНД БАЙРЛАХ ХУГАЦААНД ҮЗҮҮЛЖ БУЙ ҮЙЛЧИЛГЭЭ

  • Хохирогч/ үйлчлүүлэгчдийг 24 цагийн турш хүлээн авах боломжтой. 
  • Анхан шатны шууд туслалцаа дэмжлэгийг үзүүлэх /хоол хүнс, ахуйн хэрэглээ, хувцас,  эрүүл мэндийн үйлчилгээ /
  • Хуулийн байгууллагад хандсан хохирогч/үйлчлүүлэгчдийн асуудлыг шийдвэрлэтэл байрлуулах боломжтой.
  • Энэхүү байранд байрлах хугацаанд сэтгэлзүйн болон хууль эрхзүйн туслалцаа дэмжлэгийг үзүүлнэ. 
  • Нөхөн сэргээх, эргэн нийгэмшүүлэх үйлчилгээг цогцоор хүргэх 
  • Мэргэжил олгох сургалт, амьдрах ухааны сургалтуудад тогтмол хамруулах / гар урлал, шүрэн эдлэл, төрөл бүрийн хоол хийх, англи хэлний сургалт гэх мэт /
  • Нийгмийн ажилтан, хуульч, эрүүл мэндийн ажилтан ажилладаг.