Aзи, Европын орнуудын цагаачлалын албадын удирдах ажилтны (АСЕМ) X хурал манай улсад болох гэж байна.  Хуралд олон улсын 100 гаруй төлөөлөгч оролцож, хүн худалдаалах гэмт хэргээс урьдчилан сэргийлэх ба хохирогчийн эрх, ашиг сонирхлыг хамгаалах, хүн худалдаалах гэмт хэрэг үйлдэгсдэд ял шийтгэл ногдуулах эрх зүйн орчин ба цагаачлалын бодлогыг боловсронгүй болгох, хөдөлмөрийн шилжилт хөдөлгөөн ба эх орны хөгжилд гадаадад амьдарч буй монголчуудын оролцоо зэрэг сэдвээр ярилцах гэнэ.

Мөн гуравдагч орны иргэдийн хууль бус шилжин суурьшилт, хууль бус хөдөлмөр эрхлэлтээс урьдчилан сэргийлэх зэрэг асуудлыг хэлэлцэх аж. Хуралд урилгаар Хүйсийн тэгш эрхийн төвийн тэргүүн Г.Ганбаясгах хүн худалдаалах гэмт хэрэгтэй холбоотой асуудлаар илтгэл тавьж хэлэлцүүлэг өрнүүлэх юм. Уг олон улсын хурал 9 сарын 5-7-нд Улаанбаатарт болох юм байна.